Mesfushori i Juventusit Federiko Bernardeski dhe sulmuesi i Sasuolos Domeniko Berardi janë mes 9-të lojtarëve të dënuar në Serinë A. Berardi dhe Bernardeski u ndëshkuan të dy në barazimin 3-3 mes Sasuolos dhe Juventusit dhe do mungojnë në sfidën e radhës për shkak se kanë plotësuar numrin e kartonëve.
Komisioni i disiplinës konfirmoi se të pezulluar për ndeshjen e ardhshme në kampionat do jenë: Burabia dhe Manjaneli, dyshja e Parmës Darmian dhe Grasi, mbrojtësi i Napolit Di Lorenco, Artur Ionita i Kaljarit dhe Stefano Okaka i Udinezes. Mesfushori i Veronës Migel Veloso u ndëshkua me gjobë 1.500 euro për kartonin e tij të verdhë ndaj Romës.
Gjobën më të madhe e mori trajneri i Veronës, Ivan Juriç që do duhet të paguajë 15.000 euro dhe një ndeshje pezullim pasi fyeu arbitrin në humbjen 2-1 që skuadra e tij mori kundër Romës.