Mançester Junajtid është i sigurt që do të rifutet në garë për të tentuar blerjen e Milan Shkriniarit në merkaton e verës, por edhe Mançester Siti ka nisur të bëjë shumë seriozisht për mbrojtësin sllovak.
Trajneri Pep Guardiola madje ka ideuar në kokën e tij mundësinë për të ndërtuar një dyshe të gjithën “italiane” nga sezoni i ardhshëm, Kalidu Kulibali (Napoli) dhe Milan Shkriniar (Inter). Për këtë të fundit, kërkesa e zikaltërve nuk ndryshon: 80 milionë euro, ose nuk ulen në bisedime me askënd.
Por duke parë këmbënguljen e madhe që po bën Mançester Siti, nga Milano kanë nisur që të bëjnë disa provokime dhe t’u kërkojnë “Qytetarëve” një shkëmbim, të vetmin që mund ta kënaqte: Shkriniar në Angli dhe Serxho “Kun” Aguero në radhët e Interit.
Nëse Pep Guardiola dhe drejtuesit e tij do të ishin dakord që të flisnin për këtë mundësi, Interi do të ishte i gatshëm të bisedonte.
