Diego Laksalt dhe Milani ishte një dashuri që nuk shpërtheu kurrë dhe i lodhur nga të qëndruarit në hijen e pankinës, mbrojtës-mesfushori uruguaian është gati të nisë një aventurë tjetër sezonin e ardhshëm.
Madje, 27-vjeçari duket se e ka gjetur skuadrën e radhës. Bëhet fjalë për Lokomotivën e Moskës, klubin rus, i cili jo vetëm ka gjetur akordin me futbollistin, por në të njëjtën kohë ka dërguar një ndërmjetës në “Casa Milan” për të biseduar kushtet e marrëveshjes.
Ariel Krasuski është ndërmjetësi i transferimit të Laksaltit në Moskë, i cili shpjegon: “Kemi folur me Milanin për Diegon dhe jemi optimistë për firmat”. Kuqezinjtë duan 10 milionë euro për kartonin e uruguaianit.
