Lacio po kërkon sulmuesin e Real Madridit Borja Majoral. Sipas ‘’ Sky Sport Italia’’ ekipi lacial po kërkon të përfitojë nga skadenca e kontratës së sulmuesit së shpejti.
Majoral është një prodhim i akademisë së Real Madridit, dhe tani është i huazuar tek Levante. Sulmuesi spanjoll ka shënuar 8 gola në 33 paraqitje në La Liga këtë sezon. Lacio është pranë kualifikimit në Ligën e Kampionëve për sezonin tjetër, dhe kjo mund ta joshë lojtarin të transferohet në Itali.
Lacio po kërkon të përforcojë skuadrën, pasi ekipi nuk rivalizoi dot Juventusin deri në fund për titullin kampion ku madje humbën edhe vendin e dytë në rënditje.
