Klaus Gjasula do të ishte “mbreti i kartonëve” këtë sezon, teksa me 17 të verdhë që ka marrë në Bundesligë, theu rekordin për periudhën nga starti deri në mbyllje të një kampionati. Në total, mesfushori i Kombëtares numëron 132 të verdhë në 329 ndeshje që nga koha kur ishte pjesë e U-19 në sezonin 2007-’08.
Mirëpo, në një klasifikim të futbollistëve me numrin më të madh të ndëshkimeve me të verdhë, kryesimin e merr kapiteni i Real Madridit, Serxho Ramos, me 259 të verdhë në total.
Në renditjen me 25 më të ndëshkuarit, ka lënë gjurmë edhe ish-kapiteni i Kombëtares, Lorik Cana. Me 162 të verdhë, Cana renditet i 25-ti në këto 20 vitet e fundit, të koleksionuar në ekipe si PSG, Marsejë, Lacio, Gallatasaraj, Sandërlend, Nantë dhe Kombëtaren shqiptare.
