Leicester City ka arritur ta fitojë një pikë në duel me Manchester Unitedin falë golit të Harry Maguire, i cili shënoi në minutën e katërt të lojës shtesë për t’i tronditur djelmoshat e Jose Mourinhos.
Kur Manchester Unitedi mendoi se e kishte fituar ndeshjen kundër një Leicester që mbeti me dhjetë lojtarë në lojë në 15 minutat e fundit, Maguire doli në skenë për t’ia siguruar vendasve barazimin, transmeton Express.
Leicester City udhëhoqi 1-0 në minutën e 27-të përmes Jeremy Vardy, para se Juan Mata ta përmbyste rezultatin duke shënuar dy herë, në minutën e 40-të dhe në të 60-tën.
Më pas, Leicester e humbi mbrojtësin Amartey, i cili u ndëshkua me dy kartonë të verdhe pas vetëm 16 minutave lojë, duke u përjashtuar nga ndeshja.
Megjithatë, vendasit s’u dorëzuan dhe arritën barazimin në minutën e fundit të ndeshjes.
Manchester United tani mbetet 13 pikë larg Manchester Cityt, pas 19 xhirove në Premier Ligë.
Ndërkohë, Leicester shkon në kuotën e 27 pikëve në vendin e tetë.