Pas rikthimit në Premier Ligë, Lidsi ka pretendime për të qenë konkurrues në elitë dhe pritet të bëjë përforcime të bujshme në merkato. Dje u firmos kontrata rekord me sponsorin e ri “Adidas” dhe emrat që përmend pronari Andrea Radrixani nuk janë aspak banalë.
Ai tha se dëshiron të transferojë në “Elland Road” dy sulmues me parametër zero, Zlatan Ibrahimoviç (Milan) dhe Edinson Kavani (PSG). “Ibra do të jetë me siguri i vështirë. Ne u përpoqëm ta transferonim në janar, por ai zgjodhi Milanin. Tani ndoshta është tepër vonë për shkak të intensitetit të futbollit anglez. Kavani mund të ambientohej më mirë”, tha ai për “Sky Sport Italia”