Ish-kapiteni i Kamerunit, Stefen Tatai ka ndërruar jetë në moshën 57 vjeçare. Tatati ishte i njohur pasi arriti të dërgonte kombëtaren e tij deri në çerekfinalet Kupës së Botës të vitit 1990 në Itali.
Me atë arritje Kameruni u bë e para skuadër afrikane që arrin në 8-të më të mirat e Kupës së Botës. Karriera e Tatait ka qenë më së shumti në vendin e tij Kamerun me skuadrat e Tonere Jaunde dhe Olimpik Mvolie. Ai luajti për herë të fundit me klubin japonez të Tosu Futures. Shkaqet e vdekjes nuk janë bërë të ditura për publikun.
