Gola me shumicë dhe paraqitje prej kampioni të vërtetë.
Karta e identitetit e Erling Haaland tregon se ai s’ka pak që ka mbushur 20 vjeç, por pjekuria e treguar në fushë flet për një lojtarët që ka potencialin të shkruajë historinë.
Norvegjezi është transferuar janarin e kaluar nga Salzburg-u te Borussia Dortmund-i pa i ndalur golat. Për momentin, rendimenti i tij nuk ka qenë i mjaftueshëm për të fituar titullin me verdhezinjtë, por Haaland nuk fshihet dhe synon objektivin e madh.
Haaland, në fakt, ka shpjeguar hapur se cilat janë projektet e tij në një intervistë të dhënë për Sport Bild:
“Kam një kontratë deri në 2024-ën dhe objektivi im i madh është të fitoj titullin me Borussia Dortmund dhe të festojmë një sukses fantastik me tifozët tanë”.
“Kemi cilësinë për të fituar Bundesliga-n, por qëndrueshmëria e Bayern-it është mbresëlënëse. Duhet të vazhdojmë të përmirësohemi siç kemi bërë në fazën e dytë të sezonit”.
Më pas Haaland ka zbuluar momentin kur është dashuruar me Borussia-n:
“Një herë kam qenë me babanë tim dhe kemi parë në televizor një ndeshje të Borussia Dortmund. I kam thënë: ‘Imagjino sikur të luaja në një atmosferë të tillë me këtë skuadër në këtë stadium. Do të ishte madhështore’”.
