Toliso, ish-kapës topash te Lioni, tani sfidon të kaluarën e tij me Bajernin. Në gjysmëfinalen e 10 viteve më parë kundër bavarezëve ai ishte pas portave për të kapur topat me kostumin e Lionit, ku u rrit. Tani ai është një nga francezët e Bajernit që kthehet sot në fushë për të ndjekur finalen. Nuk do të jetë një ndeshje normale për Korentin Tolison.
Nesër në gjysmëfinale mes Lionit dhe Bajernit të Mynihut do të ketë aromën e një kthimi mbrapa. Në të vërtetë të “déjà vu”, por me një perspektivë të përmbysur dyfish në krahasim me dhjetë vjet më parë. Në atë kohë, në fakt, kampioni botëror francez e jetoi gjysmëfinalen e Ligës së Kampioneve si një djalë topi, i veshur me tutat e Lionit, klubi i tij ku stërvitej që po sfidonte bavarezët. Dhe nuk ishte një shfaqje e mirë, pas humbjes së parë në Lion përfundoi 3-0 për gjermanët, që pastaj u mundën në finale nga Interi.
Kështu ëndrrat e lavdisë për klubin francez u zhdukën, gjithnjë në zemrën e mesfushorit, i cili mbërriti në Lion në vitin 2007, pasi hodhi hapat e tij të parë në Tarare, një qytet i vogël rreth gjashtëdhjetë kilometra larg kryeqytetit. Dhe ku ata i kushtuan emrin e stadiumit lokal Tolisos, pas triumfit të tyre në Kupën e Botës 2018 në Rusi. Sidoqoftë, vitin e kaluar, mesfushori erdhi për 40 milionë euro te Bajerni i Ançelotit, si pasardhësi i Ksavi Alonsos.
Francezi drejtoi kështu rrugën në një valë të re të francezëve të rinj në Bavari, ku mbretëroi “kaiser” Riberi, ku iu bashkua disa vite më vonë ish-lojtari i Juventusit, Koman, i stërvitur në PSG. Një koloni deri tani me shumë francezë, pas ardhjes në 2019-ën të dy kampionëve të tjerë të botës, Pavar dhe Hernandez. Dhe i fundit edhe 18-vjeçari Kouasi, i cili në qershor hoqi dorë nga PSG që mbase mund ta gjente përsëri në finalen e Champions Ligë.
