Neymar e përjetoi shumë keq humbjen e finales ndaj Bayern Munchenit me rezultatin 1-0. Braziliani nuk ia doli të tregonte formën e tij më të mirë, pasi gjermanët kishin zgjedhur një markim shumë të rreptë për sulmuesin.
Lotët nuk munguan në fundin e ndeshjes, por pavarësisht kësaj ylli gjeti kurajon të uronte fituesin. Problemi i vetëm qëndron në faktin se ai nuk uroi ekipin e Bayern Munchenit, por Bayer Leverkusen.
Perder faz parte do esporte, tentamos de tudo, lutamos até o final. Obrigado pelo apoio e carinho de cada um de vocês 🙏🏽 e PARABÉNS ao BAYER 👏🏽
— Neymar Jr (@neymarjr) August 23, 2020
“Humbja është pjesë e sportit, ne provuam gjithçka, luftuam deri në fund. Faleminderit të gjithëve për mbështetjen dhe dashamirësinë e treguar. Urime dhe Bayer”, – shkruan ai. I menjëhershëm ka qenë dhe reagimi i Bayer Leverkusenit që i ka bërë replay në Twitter.
Obrigado, @neymarjr! 😍😭🙌
No sé bien porqué me felicitas si ando de vacaciones echando el FIFA… pero gracias 😂 pic.twitter.com/AdoYyZL3dS
— Bayer 04 Leverkusen (@bayer04_es) August 23, 2020
“Faleminderit Neymar. Nuk e di se pse po më uron, pasi unë jam në pushime duke luajtur Fifa, por faleminderit”, – shkruajnë gjermanët. Një situatë vërtetë e sikletshme që ka ngjallur goxha hilaritet në rrjetet sociale.
