Koeman nis spastrimin te Barcelona! Sipas “Radio Cataluyna”, Luis Suarezit i është komunikuar se nuk është në planet taktike dhe teknike te kursit të ri te blaugrana dhe pritet që uruguajiani të prishë kontratën e tij dhe të largohet me zero, ndoshta me një dëmshpërblim të vogël!
Por, holandezi ka vazhduar me takimet e tij dhe komunikimet telefonike. Sipas TV3, edhe Ivan Rakitic dhe Samuel Umtiti do të kenë të njëjtin fat me sulmuesin, ndaj nuk do të vazhdojnë me katalanasit për sezonin tjetër.
Nuk dihet se çfarë do të ndodhë me senatorët Pique, Alba dhe Busquets, që janë boshti që mban ende Messin, i cili gjithashtu është i dyzuar në atë që do të bëjë…