Zbulohet e vërteta në lidhje me kapitenin e Apolonisë, Eljon Sota, për të cilin u raportua fillimisht se ishte pozitiv me Koronavirus.
Por në fakt kemi të bëjmë me një situatë krejtësisht ndryshe. Talenti i cili është pjesë e Kombëtares U-21, iu nënshtrua ditën e sotme, analizave serologjike, të cilat zbuluan së Sota ka qenë mbartës i virusit në të kaluarën, afro 3 muajsh më parë dhe e ka kaluar pa asnjë problem COVID-19.
Lajmi është konfirmuar për “Panorama Sport”, nga administratori i Apolonisë, Olsi Bregu, i cili deklaroi se mbrojtësi i skuadrës fierake, gëzon një formë të shkëlqyer dhe kemi të bëjmë me një situatë të kaluar, që nuk ekziston në të tashmen.
Gjithsesi për procedurë, të gjithë lojtarët e Shpresave do të bëjnë sot tamponin në prag të 2 ndeshjeve të muajit shtator, përgjigjet e të cilave pritet të dalin në mesnatë…
Kujtojmë që ditën e sotme, ishte planifikuar të zhvillohej miqësorja mes Apolonisë dhe Kastriotit, por më pas u vendos që kjo ndeshje të anulohej.
