Cila do të jetë e ardhmja e Leo Messi-t?
Ylli i Barcelona-s mund të largohet nga klubi katalanas. PSG, Inter dhe Manchester City janë mes skuadrave më të interesuara për “Pleshtin”, por duket se edhe një ekip spanjoll po e ndjek me shumë interes çështjen.
Sipas El Chiringuito TV, mund të ketë një kandidate tjetër surprizë për Messi-n. Po flasim për Real Madrid-in e Florentino Perez, i cili mund të bëjë një tentativë nëse argjentinasi do të vendosë të largohet me kosto zero nga Barcelona.
Një tentativë e diktuar nga kërkesa e tifozëve. Në fakt, programi i njohur iberik ka bërë një sondazh në lidhje me një transferim të mundshëm të Leo Messi-t në Bernabeu dhe 55% e tyre do ta donin në Madrid.
Pas Cristiano Ronaldo-s, një tjetër fenomen mund të zbarkojë në Madrid dhe bëhet fjalë për rivalin e përjetshëm të Los Blancos.
