Kevin de Bruyne ka folur për Optus Australia në përfundim të ndeshjes së Champions League të luajtur kundër Lyon.
Mesfushori i anglezëve nuk e ka fshehur zhgënjimin e tij për eliminimin e radhës nga kompeticioni më i rëndësishëm europian për klube:
“Kjo është një skuadër e madhe, por kemi bërë shumë gabime. Kjo është ajo që kemi bërë gjithë vitin”.
“Është një vit tjetër, por ndodh përsëri e njëjta gjë. Mendoj se nuk kemi luajtur mirë në pjesën e parë. E kemi nisur në mënyrë të ngadaltë dhe nuk kemi pasur shumë opsione”.
“Mendoj se kemi luajtur më mirë në pjesën e dytë. Kemi sulmuar më shumë, siç bëjmë zakonisht. Kemi krijuar raste për të shënuar gola. Duhet të mësojmë se kaq nuk mjafton”, ka thënë belgu.
