Raphael Varane “tradhtoi” spanjollët e Real Madrid, duke gabuar rëndë te golat e pësuar në sfidën e djeshme kundër Manchester City. Skuadra e Zinedine Zidane u eliminua nga Champions League dhe u vërtetua edhe njëherë se pa Sergio Ramos në fushë Reali vuan në aspektin mbrojtës.
Varane nuk fshihet dhe merr përgjegjësitë e humbjes së pësuar: “Dua të tregoj fytyrën time dhe ta them që kjo humbja është e imja. Marr përgjegjësitë e mia. Ishim përgatitur mirë, por gabimet paguhen në këtë nivel shumë shtrenjtë. Jam i trishtuar për shokët e skuadrës.
Nuk mund t’i shpjegoj gabimet, ndodh në futboll. Ishte një natë e vështirë për mua. Ndeshja që bëmë më krijoi ndjesi të mirë, por ndoshta ndërmorëm më shumë rreziqe seç duhet në fillim dhe i paguam shtrenjtë.
U jam mirënjohës shokëve të skuadrës për mbështetjen. Nuk më ka ndodhur gjatë karrierës time të bëj gabime që kushtojnë kaq shumë”, u shpreh pas ndeshjes Varane, dukshëm i zhgënjyer dhe i mërzitur me atë që kishte bërë në fushën e lojës.
👉@raphaelvarane: "I want to step up. This defeat is my fault, all mine. I have to accept that. I am sorry for my teammates and all the effort they put in." #HalaMadrid | #RMUCL pic.twitter.com/STZuCH1xH1
— Real Madrid C.F. 🇬🇧🇺🇸 (@realmadriden) August 7, 2020
