Lazio ka nisur punën për merkaton dhe duket se drejtori sportiv, Igli Tare do të zyrtarizojë në pak ditë afrimet e para të lacialëve. David Silva dhe Vedat Muriqi pritet të arrijnë në Romë në pak ditë, pasi bisedimet janë në faza të avancuara.
Fabrizio Romano shkruan se Lazio është në bisedime të avancuara me Fenerbahçen për të siguruar shërbimet e sulmuesit Vedat Muriqi. Ky i fundit pritet të kalojë në Serie A, pasi Lotito është gati të paguajë 16 milionë euro për kartonin e tij.
Emri tjetër që do të shkojë si lojtar i lirë në Romë është David Silva. Mesfushori i “Qytetarëve” la ekipin e Guardiolës pas 10 vitesh dhe u bind nga oferta e Tares për të firmosur për 3 vite me skuadrën italiane.
