Inter dhe Antonio Conte kanë vendosur të ecin përpara së bashku. Pas më shumë se tre orësh nga mbledhja e zhvilluar, “tymi i bardhë” ka mbërritur në një vilë në Somma Lombardo jashtë Milanos.
Në orën 18:30 njoftimi për shtyp i klubit zikaltërr: “Takimi i sotëm midis klubit dhe Antonio Conte ishte konstruktiv, në emër të vazhdimësisë dhe ndarjes së strategjisë. Me të u hodhën themelet për të vazhduar së bashku projektin”.
Sakaq, disa tifozë që prisnin jashtë i kërkuan drejtorit sportiv Ausilio (konfirmuar së bashku me Marotta nga klubi) Messin! “Na sillni Messi! Messin duam!”, degjohet te video.
Në këto orë, në fakt, lamtumira e bujshme e argjentinasit në klubin blaugrana po bën xhiron e botës…
🗣 'Portaci #Messi'. Così i tifosi interisti ad #Ausilio pic.twitter.com/Oc06esDjHC
— TUTTOmercatoWEB (@TuttoMercatoWeb) August 25, 2020
