Agjenti i Paolo Dibalës, Jorge Antun pretendon se zërat për një largim të argjentinasit janë të rreme. Dibala ndihmoi Juventusin të fitonte titullin e nëntë rradhazi në Serinë A, por mediat italiane kanë raportuar se bardhezinjtë duan ta shesin pasi po përjetojnë një situatë financiare të vështirë.
Agjenti i Dibalës, Antun ka hedhur poshtë këto zëra dhe tregon se po punojnë për rinovimin. “Kam lexuar thashetheme në gazeta që janë komplet të rreme” tha për “Calciomercato.it”, Antun. “Dibala është një lojtar i Juventusit dhe është mjaft i lumtur.
Ne po punojmë me klubin për rinovimin e kontratës”, përfundoi agjenti i Dibalës, Antun.
