Oskar Rugeri ka lëshuar akuza të forta në drejtim të mbrojtësit të Barcelonës, Zherard Pike. Rugeri është një emër i njohur pasi ka luajtur me Boka Zhuniorsin, River Plate dhe Real Madridin si dhe ka fituar Kupën e Botës me Argjentinën në vitin 1986.
“Pike është një lojtar i nivelit të dytë. Ai është siç isha unë apo shumë të tjerë, një mbrojtës i nivelit të mesëm, asgjë më shumë. Sigurisht ka një imazh të bukur, mjekrën e ka të bukur. Mos të harrojmë edhe të dashurën e famshme dhe të bukur. Nëse do luante me Valencian askush nuk do e njihte. Është tek Barcelona dhe ndryshon puna.
Ai nuk e vret mendjen për presion. Serxhio Ramos është ndryshe, ai është mbrojtësi më i mirë në botë”, deklaroi Rugeri për “Fox Sport”.
