Bajern Mynihu fitoi dje Ligën e Kampionëve pasi mundi në finale 1-0 PSG-në. Një meritë të madhe në këtë triumf kishte edhe portieri Manuel Nojer.
Gjermani bëri disa pritje shpëtimtare ndaj Nejmarit dhe Mbapesë. Nojer ka qenë protagonist edhe jashtë fushe. Portieri gjerman ka bërë një postim në “Instagram” ku shihet me trofeun e Championsit, por ajo që bie në sy është vendndodhja që ka vënë tek fotoja. Edhe pse finalja u luajt në Portugali, Nojer si vendndodhje ka vendosur stadiumin e Marsejës “Velodrome”. Nuk dihet nëse portieri i Bajernit e ka bërë me qëllim apo jo, por në një farë mënyre ka “thumbuar” rivalët e PSG.
Marseja është skuadra e vetme franceze që e ka fituar Championsin, gjë që të cilën nuk mundën ta përsërisnin lojtarët e PSG-së.
