Milani ka rinovuar kontratën me Tommaso Pobega. Mesfushori ka gjetur gjuhën e përbashkët me klubin deri më 30 qershor 2025. 21-vjeçari ka fituar besimin e drejtuesve pas sezonit të mirë që bëri me Pordenone.
“Djalli” e kishte huazuar të riun për të fituar eksperiencë. Pogeba ia doli mbanë mjaft mirë, pasi në 33 ndeshje të luajtura, 31 si titullar arriti të shënojë 5 gola. Pioli po mendon që ta mbajë në skuadër sezonin e ardhshëm.
Pobega mund të ketë shansin e tij në Serie A. Ai pritet të duelojë për një vend titullari, megjithatë do të jetë trajneri që do të thotë fjalën e fundit. Pobega shihet si një futbollist premtues për të ardhmen.
