Pas deklaratës të dhënë nga Artan Shyti te “Procesi Sportiv”, se “presidentët e klubeve të Superiores nuk e dinë Ligjin e Sponsorizimeve dhe bojkoti është i FSHF-së, jo i Ligës”, ka reaguar edhe klubi durrsak.
Nëpërmjet një postimi në faqen zyrtare, Teuta shkruan se çdo deklaratë e dhënë nga Shyti në TV për problematikën e futbollit në Shqipëri, është e tij individuale dhe jo Teutës.
Gjithashtu në reagim thuhet se Shyti prej kohësh nuk ka asnjë funksion drejtues te klubi durrsak, duke u distancuar kështu nga deklarata e bërë mbrëmë.
Reagimi i Teutës:
K.F Teuta: Ju bën me dije se çdo deklaratë e dhënë nga Artan Shyti në televizion për problematikën e futbollit në Shqipëri çdo deklaratë apo opinion i tij është individual, jo i KF Teuta. Artan Shyti ka disa kohe që nuk ka asnjë funksion drejtues tek Teuta.
