Kanë plasur polemikat në Suedi për përjashtimin e yllit të ri të Juventus-it, Dejan Kulusevski, nga formacioni titullar i ndeshjes së Nations League kundër Francës.
Shtypi suedez ka sulmuar ashpër trajnerin Janne Andersson që e ka aktivizuar talentin e bardhezinjve vetëm në minutat e fundit, me lojtarin që nuk e ka pritur aspak mirë këtë vendim.
“Kam mbetur i tronditur, nuk ka patur kohë për të bërë diçka. Por futbolli është edhe ky dhe e respektoj vendimin e trajnerit”, ka thënë Kulusevski për shtypin suedez.
Trajneri Andresson ka provuar të minimizojë, por në krah të juventinit ka dalë Zlatan Ibrahimovic. Suedezi ka sulmuar trajnerin e kombëtares me një postim në Twitter:
“Çfarë shakaje e shëmtuar. Një tjetër konfirmim: persona të paaftë në pozicionet e gabuara që po i marrin frymën futbollit suedez”.
Vilket jävla skämt.
Ytterligare ett bevis.
Inkompetenta personer på fel positioner som kväver svensk fotboll.https://t.co/I0RBYZO561— Zlatan Ibrahimović (@Ibra_official) September 6, 2020
