Trajneri Ronald Koeman duket se po e kupton realitetin e Barcelonës dhe vështirësitë që ka klubi. Ai ishte skeptik fillimisht nga deklaratat e lojtarëve dhe kapitenit Leo Messi, por duket se tani ka filluar të ketë tensionet e para me drejtuesit.
Numri një i stolit është zhgënjyer nga presidenti Joseph Maria Bartomeu, pasi ky i fundit nuk dëgjon mendimet e tij për merkaton. Numri një i klubit bisedon me drejtorin teknik Ramón Planes dhe anashkalojnë teknikun.
Kjo ka acaruar trajnerin holandez që ka reaguar ashpër për herë të parë sipas asaj që shkruan gazetari Adrian Sanchez. Situata duket e nderë te katalanasit dhe pas ikjes së Luis Suarezit. Sulmuesi u largua me polemika duke bërë që lojtarët të reagojnë ashpër.
