Napoli përqendrohet te mesfushë dhe tashmë emri i ri – sipas “Sky Sport” – është Matias Vecino. Klubi i De Laurentiis është në bisedime me Interin dhe me agjentin e lojtarit; uruguajani tashmë ka dhënë gatishmërinë e tij për transferim.
Formula duhet të jetë ajo e huasë me të drejtën e blerjes, e cila bëhet një detyrim me arritjen e një numri të caktuar ndeshjesh.
Diskutohet edhe shuma e kartonit: kërkesa e zikaltërve është 18 milion, Napoli ka ofruar 12 milion.
Vecino aktualisht është i dëmtuar dhe kthimi i tij në fushë mund të vijë pas dy muajsh, por gëzon vlerësimin e Gattuso, i cili e konsideron atë të përsosur në një mesfushë me dy, me tre dhe madje edhe në vijën e frontit sulmues.
Kjo është arsyeja për një formulë që do të lejojë Napolin të jetë në gjendje të vlerësojë aftësinë dhe përshtatjen e lojtarit, përpara se të vendosë blerjen.
