Real Madrid e ka bërë të qartë se deri në prill nuk do ketë blerje të reja, për shkak të krizës financiare të pësuar nga pandemia e koronavirusit. Këtë e konfirmoi edhe trajneri Zinedin Zidan pas ndeshjes së fituar 3-2 ndaj Real Betisit.
“Nuk do të ketë afrime të reja në këtë merkato”, tha Zidan pas ndeshjes. Trajneri francez zgjidhjen e ka gjetur tek lojtarët që ka pasur në huazim, duke i rikthyer tek Real Madridi. Një nga këto raste është edhe ai i Martin Odegard që e ka nisur titullar në dy ndeshjet e para në kampionat.
Reali nuk dëshiron të rrezikojë dhe ta vendosë klubin në vështirësi financiare. Kështu emra të mëdhenj si Mbape, Haland apo Kamavinga duhet të presin verën e ardhshme.
