Gareth Bale ishte shumë pranë largimit nga Real Madridi sezonin e shkuar, por në fund u bllokua nga “Los Blancos”. Ish-presidenti i Realit, Ramon Calderon, kujton se vjet erdhi një ofertë e majme për uellsianin, po klubi e bllokoi.
“E di shumë mirë se në merkaton e verës së kaluar në zyrën e Realit erdhi një ofertë zyrtare nga një klub i Premier League për shërbimet e Gareth.
Ata ofruan diku te 100 milionë euro për sulmuesin, por Real Madridi e refuzoi atë”, -tha ish-presidenti për “TalksSport”. Një vendim skandaloz, pasi sezoni i Bale ishte shumë i dobët dhe Reali po mundohet ta shesë për shumë më pak.
