Java e nëntë e kampionatit rus i ka buzëqeshur futbollistit të Kosovës Bernard Berishës dhe skuadrës së tij Akhmat Groznit.
28-vjeçari, i cili sot mbajti shiritin e kapitenit të ekipit çeçen shënoi golin e dytë me penallti në fitoren 2-0 ndaj Uralit.
Ky është goli i dytë në kampionat për Berishën, ndërsa jep sërish shenjë se do të kërkojë me çdo kusht grumbullimin me Kosovën për ndeshjet e muajit tetor të Ligës së Kombeve.
Pas 9 javësh, Akhmati Grozni ka grumbulluar 13 pikë.