Kastrioti gjen më në fund portierin. “Panorama Sport” zbulon ekskluzivisht se Alesio Abibi ka firmosur për klubin krutan pas shumë negociatash ditët e fundit. 23-vjeçari që ka luajtur më parë dy sezone me Tiranën ka rënë dakord dhe menjëherë i është bashkuar skuadrës në grumbullim.
Abibi vjen pas një eksperience të rëndësishme në Serinë B italiane me Avelinon dhe më pas te Kaveze në Serinë C. Kujtojmë që më parë krutanët kishin negociuar për të afruar portierin me eksperiencë, Isli Hidi. Gjithashtu kanë biseduar edhe me Amarildo Çekrezin, me të cilin arritën një akord, por që në fund nuk u konkretizua. Kësisoj, përfundimisht klubi ia besoi portën Alesio Abibit, që sot del në stërvitje.
KASTROITI GJEN PORTIER/ Ish-“gardiani” bardheblu firmos me krutanët
