Jashtë Skriniar, brenda Smalling.
Mund të jetë kjo lëvizja e bujshme e merkatos e Inter-it, sipas Calciomercato.com.
Tottenham-i i Mourinho-s e do qendërmbrojtësin ne Londër, Marotta është në kërkim të alternativës që mundtë vijë nga një operacion me Manchester United, që do të zemëronte shumë Roma-n, skuadra ku anglezi ka luajtur sezonin e kaluar.
Nuk ka akoma oferta zyrtare nga ana e Tottenham për Skriniar, por nëse do të ketë, Inter duket se e ka gjetur zëvendësuesin e sllovakut: Chris Smalling.
Marrëdhëniet mes zikaltërve dhe United janë shumë të mira, veçanërisht pas operacioneve për Lukaku-n dhe Alexis Sanchez. Ja pse duket me të vërtetë e mundur kjo lëvizje e merkatos për t’iu përgjigjur shitjes së mundshme të Skriniar.
Gjithsesi, operacioni Smalling mund edhe që të mos lidhet me shitjen e sllovakut. Me lamtumirën e Godin, në fakt, mund të jetë e domosdoshme të gjendet një emër i fundit për të kompletuar ekipin.
Inter e ka të qartë atë që duhet të bëjë dhe në orët e ardhshme pritet të vihet në lëvizje.
