Riçard Danso do të jetë në Shqipëri më 10 tetor. Lojtari ganez ka shtyrë sërish mbërritjen për në Shqipëri. Jo vetëm problemet me dokumentacionin, por edhe forma sportive ka bërë që lojtari të shtyjë mbërritjen me Tiranën.
Sipas asaj që bëhet me dije, Danso humbet ndeshjen me Jang Bojsin, por do të jetë gati për sfidat e kampionatit, si dhe për ndeshjet e grupit në Ligën e Europës, në bardheblutë arrijnë një kualifikim historik. Ganeze është federuar dhe bën pjesë në listën e UEFA-s për ndeshjen ndaj Jang Bojs, pavarësisht se nuk do të jetë prezent.
Danso është një lojtar shumë i mirë dhe këtë e ka treguar në Premier League-n e Ganës. Ai gjithashtu ka luajtur për U-17 dhe U-20-ën ganeze, madje ka qenë pjesë e skuadrës së Botërorit të 17-vjeçarëve në 2017-ën.
Sezonin e fundit ai ka luajtur i dhënë borxh në USL League One me ekipin North Texas SC, duke u aktivizuar 12 ndeshje, duke shënuar dy gola dhe dhënë një asist.
Nga ky lojtar pritet shumë, pasi ka vlerësime shumë të larta në Afrikë. Danso ka firmosur një kontratë katërvjeçare, madje i ka mbërritur edhe kartoni nga Gana, ndonëse ai nuk do të jetë në dispozicion të trajnerit Emanuel Egbo.
