Luis Suarez u largua nga Barcelona për të kaluar te skuadra tjetër spanjolle, e Atletiko Madrid, ku shkëlqeu që në debutim me dopietë golash dhe asist, ndonëse u aktivizua vetëm nga stoli.
Shumë i kënaqur për afrimin e uruguaianit është shfaqur presidenti i Atletikos, Enriko Çerezo, i cili ka folur edhe për një ribashkim të mundshëm të Mesit me Suarezin. Argjentinasi dhe uruguaiani ishin shumë të afërt me njëri-tjetrin dhe Çerezo nuk ka nguruar ta ftojë Leon te Atletiko.
“Në jetë kur ti do diçka duhet ta marrësh. Nëse Leo kërkon të luajë me Suarezin, unë i them atë që thuhet me shaka ‘Hajde në shtëpi për Krishlindje’. Me dëshirën e madhe gjithçka është e mundur.”, u shpreh Çerezo.
Në këtë mënyrë presidenti i Atletikos i bën Mesit një ftesë të hapur, ndonëse është në formën e një shakaje.
