Ylli i UFC-së Konor MekGregor ende nuk ka mbyllur punët me drejtësinë. Sportisti irlandez u lirua ditën e djeshme duke u mbajtur në gjendje vëzhgimi nga policia franceze pas denoncimit të një 32-vjeçareje për ngacmim seksual.
Ndërkohë, çështja mund të përfundojë me burgosje të irlandezit nëse vërtetohet nga provat fizike se ai ka tentuar të kryejë marrëdhënie seksuale me forcë në kundërshtim të gruas, emri i të cilës mbahet anonym.
Një hetues shtoi se në zonën ku raportohet të ketë ndodhur ngjarja (ishulli i Korsikës) ka shumë kamera sigurie pasi frekuentohet shumë nga turistët.
