Prej kohësh qarkullojnë lajme se Luis Suarez do të largohet nga Barcelona dhe destinacioni i tij i radhës do të jetë Juventusi.
Madje thuhet se ështl arritur edhe marrëveshja me kampionët e Italisë dhe shumë shpejt pritet zyrtarizimi.
Megjithatë e ardhmja e sulmuesit të Barcelonës tani ka marrë një drejtim tjetër. Lojtari po vonon për të marrë pasaportë italiane dhe për këtë arsye ka nisur të shikojë edhe për skuadrat e tjera që interesohen për të.
Atletiko Madrid e ndjek me kujdes Suarezin dhe trajneri Simeone dëshiron ta ketë në skuadrën e tij për sezonin e ri. Thuhet se madrilenët i kanë bërë lojtarit një ofertë më të mirë se Juventusi dhe e kanë bërë atë të mendojë një kalim në Madrid.