Toni Kros u largua nga ndeshja kundër Betisit në fundin e pjesës së parë, por këtë herë nuk ishte zëvendësim taktik i Zidanit. Mesfushori gjerman po ndiente dhimbje në kofshën e majtë.
Ditën e djeshme, Reali i Madridit konfirmoi dëmtimin e mesfushorit gjerman dhe tha se Kros vuan nga një tërheqje muskulore e lehtë dhe do të qëndrojë jashtë fushave të lojës për dy javë.
Në këtë mënyrë, Zizu nuk do ta ketë të gatshëm për sfidat e ardhshme, por me shumë mundësi ai do të humbasë edhe sfidat e kombëtares së Gjermanisë, të vlefshme për Ligën e Kombeve. Trajneri Lëv është në ankth, por nga koha që do të qëndrojë jashtë fushave, grumbullimi i tij me Gjermaninë është i pamundur.