Futbollisti i Shqipërisë Marash Kumbulla do të debutojë sot me ekipin e tij të ri Romën kundër Juventusit. Ashtu siç u paralajmërua dje nga trajneri i verdhekuqve Paulo Fonseka, mbrojtësi i kombëtares sonë do të jetë titullar përballë kampionëve të Italisë.
Në anën tjetër, debutim ka edhe për Alvaro Moratën. Sulmuesi spanjoll, i cili ka pak ditë që i është bashkuar Juventusit do të jetë në fushë së bashku me Kristiano Ronaldon, me të cilin luan për herë të parë bashkë pas 3 vitesh. Trajneri Pirlo u ka besuar sërish Kulusevskit dhe MekKinit, ndërsa ka lënë në stol Paulo Dibalë, Dagllas Kostën dhe Artur Melon. Në stolin e Juventusit është dhe sulmuesi i Shqipërisë U21 Xhakomo Vrioni.
FORMACIONET ZYRTARE
ROMA (3-4-2-1): Mirante; Mançini, Ibanez, Kumbulla; Santon, Vertu, Pelegrini, Spinacola; Mkitarian, Pedro; Xheko. Trajner: Paulo Fonseka.
JUVENTUS (3-4-1-2): Shezni; Danilo, Bonuçi, Kielini; Kulusevski, MekKini, Rabio, Kuadrado; Ramsej; Morata, Ronaldo. Trajner: Andrea Pirlo.
