Tirana ështën nisur herët drejt Zvicrës për të zhvilluar takimin e nesërm kundër Jang Boisit për raundin “play-off” të Ligës së Europës. Kampionët bardheblu po udhëtojnë me avionin e kompanisë “Air Albania”.
Klubi kryeqytetas ka publikuar fotot nga aeroporti “Nënë Tereza” dhe klima në skuadër paraqitet mjaft e mirë.
Kampionët e Shqipërisë dhe Zvicrës do të përballen nesër në orën 20:30 në stadiumin “Stade de Suisse”.
Emanuel Egbo dhe lojtarët e tij kanë nesër shansin e mirë të realizojnë pjesëmarrjen e parë në histori të 25-herë kampionëve të Shqipërisë në një kompeticion klubesh europiane. Përveç arritjes sportive, bardheblutë luajnë dhe për të siguruar të ardhura të mëdha, ku në rast kalimi në fazën finale të Ligës së Europës mund të sigurojnë 3 milionë euro.
