Milani e ka nisur sezonin me fitore! “Djalli” mposhti me rezultatin 2-0 Bolognan duke konfirmuar formën e mirë të fundsezonit të kaluar. Trajneri Stefano Pioli duket se ka ndërtuar një ekip që funksionon dhe këtë e tregoi dhe në fitoren e sotme kundër Bolognas.
Ndeshja u hap në minutën e 35′ nga sulmuesi kryesot Zlatan Ibrahimovic. Suedezi mori një pasim të mirë nga Theo Hernandez dhe me një kërcim të fuqishëm e goditi topin me kokë duke e dërguar në rrjetë për 1-0.
Pjesa e dytë solli dhe golin e dytë për kuqezinjtë, pasi Bennacer fitoi një penallti në minutën e 50′. Gjiganti i sulmit e mori përsipër që ta gjuante dhe nuk gaboi për 2-0. Vlen për t’u përmendur se trajneri Pioli i dhuroi debutimin Brahim Diazit dhe Tonalit në sfidën e sotme. Bologna e Mihajlovic duket se do të vuajë këtë sezon.
📽 GOOAL ZLATAN IBRAHIMOVIĆ pic.twitter.com/j0EYkM2bht
— AC Milan Reports (@ACMReports) September 21, 2020
GOOOOOAAAAALLLLL! IBRA! pic.twitter.com/qwwHndgR6a
— MilanGifs (@MilanGifs) September 21, 2020