Sandro Tonali është afruar si një përforcim për mesfushën e Milanit e cila vjet u var në mënyrë të tepruar nga dyshja Benaser-Kesi.
20-vjeçari mund të luajë në mesfushën me tre lojtarë, por ka dhënë prova se mund të jetë i duhuri edhe në skemën me dy mesfushorë përpara mbrojtjes. 4-2-3- 1 i Piolit është skema ku duhet të përshtatet duke qenë një alternativë niveli për titullarët kuqezinj.
Me ngjeshjen e kalendarit, djaloshi i ardhur nga Bresha mund ta ndihmojë trajnerin që në ndeshje të caktuara të luajë edhe me modulin 4-3-3 ku do të ishte regjisor ose një nga lojtarët në krah të regjisorit, rol të cilin e ka mbuluar më shpesh te Bresha në sezonin e fundit.