Babai i Doni van de Bekut e ka përshkruar transferimin e të birit të tij te Mançester Junajtid një ëndërr të bërë realitet.
Duke folur nga fshati i familjes në Nijkerkerven, Andre van de Bek tha se telefoni i tij nuk ka pushuar që pas lajmit se mesfushori i Ajaksit do të transferohej në “Old Trafford”. Dhe ai tha se i gjithë fshati është krenar për djalin e tij:
“Është një ëndërr e bërë realitet. Është momenti perfekt për të që të bëjë këtë hap në një klub kaq të bukur. Shumë skuadra ishin të interesuara, por Doni e mori vetë vendimin.
Telefoni nuk pushon së rëni që pas lajmit të transferimit. Marrin të gjithë për të uruar. I gjithë fshati është krenar”.
