Kastrioti ka goditur në merkato, duke blinduar portën. Bëhet fjalë për ish-portierin e Tiranës, Alesio Abibi. 23-vjeçari ka firmosur ditën e sotme një kontratë 1-vjeçare, duke u rikthyer kështu në Kategorinë Superiore, pas eksperiencës në Serinë C me Avelinon dhe Kavesen.
Lajmi për firmosjen e Abibit është bërë zyrtarë nga vetë klubi krutan nëpërmjet një njoftimi në faqen zyrtare.
NJOFTIMI I KASTRIOTIT:
Alesio Abibi është afrimi më i ri i Kastriotit
Portieri 23 vjeçar, ka firmosur ditën e sotme një kontratë që e bën pjesë të Kastriotit për sezonin në vazhdim. Abibi ka luajtur edhe më parë në superiore, pasi ka qenë pjesë e Tiranës, ndërsa sezonin e fundit u aktivizua me Avelinon në Seria C në Itali.
