Merr fund pritja! Riçar Danso është zyrtarisht pjesë e Tiranës. Nëpërmjet një njoftimi në faqen zyrtare, klubi bardheblu ka prezantuar sulmuesin 20-vjeçar, i cili i është bashkuar ditën e sotme kampionëve, duke firmosur për 4 vitet e ardhshme. Mësohet se Danso është stërvitur këtë pasdite me ekipin duke u vënë menjëherë nën urdhërata e trajnerit Egbo.
Ndërkohë vlen të theksohet se kohët e fundit, ka dalë në skenë edhe një rikthim i mundshëm i Majkëll Ngo, i cili do t’i vinte kapak përforcimeve në repartin ofensiv.
NJOFTIMI I TIRANËS:
KF Tirana përforcon sulmin. Klubi njofton prezantimin e lojtarit Richard Danso. Sulmuesi 20 vjeçar i bashkohet sot klubit dhe nis rrugëtimin e tij me fanellën bardheblu për 4 vitet e ardhshme. Danso është stërvitur këtë pasdite me ekipin duke u vënë menjëherë nën urdhërat e trajnerit Egbo.
