“Është një nder që e marr këtë çmim, unë jam krenar që e kam trajnuar PSG. Gëzuar ditëlindjen!” Kështu, Carlo Ancelotti i përgjigjet në Twitter klubit parizien, që e zgjodhi atë trajnerin më të mirë, pas 50 viteve të para të histories së vet. Në fakt, klubi francez feston gjysmë shekulli jetë dhe me këtë rast i ka dhënë teknikut nga Reggiolo çmimin prestigjioz.
Ancelotti, i cili i udhëhoqi kryeqttetasit francezë nga viti 2011 deri më 2013, fitoi titullin e Ligue 1 në sezonin e dytë atje. Ai u vendos në këtë renditje speciale përpara Laurent Blanc dhe Luis Fernandez.