Ish-mbrojtësi i Kukësit, Edis Maliqi, kishte arritur akordin me klubin e Lokomotivës së Zagebit.
24-vjeçari u prezantua sot zyrtarisht edhe nga faqja zyrtare e skuadrës kroate, duke bërë që “kolonia” shqiptare te Lokomotiva të rritet. Pas Sherif Kallakut dhe Françesko Tahirajt, Maliqi bëhet futbollisti i tretë për këtë sezon që firmos me këtë klub.
Mbrojtësi i krahut të djathtë spikati për dy sezone me Kukësin në Superiore dhe u largua si lojtar i lirë me mbylljen e ndeshjeve të kupave të Europës. Kujtojmë që te Lokomotiva aktivizohen gjithashtu edhe 3 futbollistë të tjerë shqiptarë, si Tuci, Çokaj dhe Mersinaj. Pra në total, numri i shqiptarëve te ekipi i parë i Lokomotivës së Zagrebit ka shkuar në gjashtë.