Me Elton Kalenë që duhet të operohet, Tiranës i hapet një vend në formacionin titullar. Pikërisht, krahu i djathtë mbetet i zbuluar. Ama Emanuel Egbo mendon se në këtë pozicion ka lojtarët e duhur. Kështu, në vend të Kalesë janë dy alternativa natyrale. Erjon Hoxhallari mund të luajë mbrojtës, ndërsa Ismajlgeci si mesfushor krahu.
Opsioni i dytë është Grent Halili, i cili sezonin e shkuar ka luajtur në atë pozicion. Ekziston edhe një opsion i tretë ku Tirana mund të çojë Sasrakun në qendër të sulmit, të spostojë Torasën majtas, ndërsa Muçi të luajë si sulmues i dytë. Një skemë goxha normale, duke pasur parasysh gjendjen e ekipit. Nga ana tjetër, Hoxhallari mund të luajë edhe si qendërmbrojtës, sepse me shumë mundësi do ta ketë të vështirë të luajë majtas.
