Ish-sulmuesi i Kukësit, Vasil Shkurtaj, i është kundërpërgjigjur presidentit të Tiranës, pas deklaratës së bërë mbrëmjen e djeshme në emisionin “Sport News Plus” në televizionin “News 24”, në lidhje me trativat për t’iu bashkuar bardhebluve.
Nëpërmjet një postimi në “Instastory”, Shkurtaj ka sqaruar se nuk i është vetofruar ekipit të Tiranës. Sipas vlonjatit ofertat e vazhdueshme nga ana e bardhebluve nuk kanë qenë në peshën e tij reale.
SQARIMI I SHKURTAJT: Personalisht kurrë nuk i jap vetofruar ekipit të Tiranës. Përkundrazi, ofertat e vazhdueshme nga ana e tyre nuk kanë qenë në “peshën” time reale.
ÇFARË DEKLAROI HALILI PËR SHKURTAJN- Shkurtaj që në fillim donte të shikonte për jashtë. Kur më thanë: ‘Merre’, thashë: ‘Pyeteni sa peshon sot’. Shkurtaj nuk donte të ishte te ne, donte një aventurë jashtë. Kur vijnë te Tirana, e ngrenë çmimin; kur ikin diku tjetër, e ulin.
