Brazili i ka nisur si duhet eliminatoret për kampionatin botëror të 2022 në Katar. Ekipi 5 herë kampion bote ka shkatërruar Bolivinë me rezultatin 5-0 në orët e para të mëngjesit të sotëm.
Takimi i luajtur në stadiumin e Sao Paulos foli krejtësisht për vendasit që nuk e vunë për asnjë moment në dyshim rezultatin. Sfida u hap që në minutën e 16′ me Marquinhon, ndërsa Firimino mbylli pjesën e parë me rezultatin 2-0.
Sulmuesi i Liverpoolit shënoi dhe golin e dytë personal në pjesën e dytë pas pasimit të Neymarit për 3-0. Goli i katërt ishte një autogol nga Carrasco, ndërsa manita u realizua nga Coutinho. Lojtari i Barcelonës rikthehet te goli me kombëtaren e tij.
