Riza Durmishi nuk po arrin të gjejë hapësira te skuadra e Lacios dhe për këtë arsye ka vendosur të largohet, për të qenë gati për Europianin, ku do të marrë pjesë me Danimarkën.
Në një intervistë të dhënë për “Corriere dello Sport”, mbrojtësi i majtë është shprehur se do të largohet në janar, për të kaluar diku tjetër. “Në merkaton e dimrit do largohem nga Lacio. Dua të aktivizohem më shumë që të luajë më pas në Europian.
Isha në bisedime me Brandi, pro nuk u mbyll marrëveshja në fund. Kur tifozët flasin për besnikëri dhe për pagën, duhet të dinë që unë kisha pranuar të ulja rrogën time me 30% dhe kisha një marrëveshje me klubin. Megjithatë asokohe në menaxhimin e klubit ishte dikush që mendonte vetëm për interesat e tij, jo të klubit.”, u shpreh Durmishi.
