Mançester Junajtid raportohet se është pranë një transferimi të papritur të Edinson Kavanit. Sipas raportimeve, sulmuesi uruguajan do fluturojë sot drejt Anglisë për të kompletuar kalimin tek “Djajtë e Kuq”.
“MailOnline”, zbulon se Mançester Junajtid ka qenë në bisedime me 33-vjeçarin, dhe tani duket sikur palët kanë rënë dakord. Kavani është pa ekip që pas largimit si lojtar i lirë nga PSG.
Për sulmuesin kanë qenë të interesuar Atletiko Madrid, Benfika por edhe Inter Majemi në kampionatin amerikan.
